هكذا بدأت القصة — ليست كمشروع، لكن كسؤال بسيط: نقدر فعلاً نزرع أكلنا في البيت، هنا بالكويت؟ و Plantnmore هو الجواب اللي بنيناه خطوة بخطوة.
الحر، وتخمين التوقيت، وقلّة الخبرة — كلها أمور تخلّيك تحسّ إن زراعة أكلك بنفسك شي صعب ومستحيل. و إحنا أنشأنا Plantnmore عشان نثبت العكس، ونسهّل الطريق على كل شخص ودّه يجرب.
كل هذا نتاج سنين من التجربة الحقيقية — جرّبنا، وغلطنا، وتعلّمنا شنو اللي ينجح فعلاً في مناخنا. كل بذرة ونبتة ومنتج تلقاه عندنا، اخترناه لأننا زرعناه واستخدمناه وحبّيناه بأنفسنا.
نتجنّب الأنواع الصعبة على المبتدئ أو على جوّنا، ونوفّر بس بذور نزرعها بأنفسنا وبكل حب. وفوق هذا نشتغل على مغلفات ذات تعليمات واضحة بالعربي تساعدك تبدأ رحلتك في الزراعة بنجاح.
صمّمنا خلطة تربة تنفع لكل أنواع الأحواض والحدائق: غنية، خفيفة، ومتوازنة. مصمّمة لطريقتنا في الزراعة هنا فعلاً.
أصناف تكبر وتزدهر عندك في البيت، قوية وجاهزة للزراعة — تساعدك تتعدّى أصعب مرحلة: البداية.
إذا إحنا ما نستخدمها في حديقتنا، ما لها مكان في Plantnmore.
شنو اللي نجح، وشنو اللي فشل، وشنو اللي فاجأني بنموه. ومع الوقت صار الأمر أكبر من تدوين ومشاركة — صرت جزء من مجتمع من ناس شغوفين يكتشفون عالم الزراعة المنزلية مع بعض.
و Plantnmore امتداد لهالرحلة. أنا وفريق Plantnmore مزارعين نعشق هالهواية، ونقدّم اللي نستخدمه وننصح فيه ونثق فيه في بيوتنا.
ورا كل طلب وكل شتلة، في فريق يهتم بالتفاصيل.
ناس مجتهدين يجهّزون كل طلب ويرسلونه — يفحصون كل نبتة، ويغلّفون كل بذرة، ويتأكدون إن اللي يوصل بابك شي نفتخر نستلمه إحنا بأنفسنا.
ندين بالكثير لأصدقائنا في مزرعة سدير. يختارون من بذورنا ويزرعونها لكم بحب واهتمام إلى أن تصبح نباتات قوية جاهزة للزراعة .. يساعدونكم تتجاوزون أصعب مرحلة في الزراعة، واللي هي التشتيل.
تعرف علينا
بدأ بلانت ان مور بسؤال بسيط: هل يمكننا زراعة طعامنا بأنفسنا هنا في الكويت؟ اليوم، كل ما نقدمه مختار بعناية لمساعدتك على زراعة الطعام والاستمتاع به في المنزل في مناخنا، وفي الحياة الواقعية. كل شيء ينمو.
بدأ بلانت ان مور بسؤال بسيط: هل يمكننا زراعة طعامنا بأنفسنا هنا في الكويت؟ اليوم، كل ما نقدمه مختار بعناية لمساعدتك على زراعة الطعام والاستمتاع به في المنزل في مناخنا، وفي الحياة الواقعية. كل شيء ينمو.
