هكذا بدت القصة — مو كمشروع، بس كسؤال بسيط: نقدر فعلاً نزرع أكلنا في البيت، هنا بالكويت؟ و Plantnmore هو الجواب اللي بنيناه خطوة بخطوة.
الحر، و تخمين التوقيت، وقلّة الخبرة — كلها أمور تخلّيك تحسّ إن زراعة أكلك صعبة أو مو ممكنة. بس إحنا انشئنا Plantnmore عشان نثبت العكس، ونسهّل الطريق على أي حد ودّه يبدأ.
كل هذا نتاج سنين من التجربة الحقيقية — جرّبنا، وغلطنا، وتعلّمنا شنو اللي ينجح فعلاً في مناخنا. كل بذرة ونبتة ومنتج تلقاه عندنا، اخترناه لأننا زرعناه واستخدمناه وحبّيناه بأنفسنا.
نتجنّب الأنواع الصعبة على المبتدئ أو على جوّنا، ونوفّر بس بذور نزرعها بأنفسنا وبكل حب. وفوق هذا نشتغل على مغلفات ذات تعليمات واضحة بالعربي تساعدك تبدأ رحلتك في الزراعة بنجاح.
صممنا خلطة تربة تنفع لكل أنواع الأحواض والحدائق، غنية وخفيفة، ومتوازنة للأحواض. مصمّمة لطريقة الزراعة اللي نزرع فيها هنا فعلاً.
أصناف تكبر وتزدهر عندك في البيت، جاهزة للزراعة،
إذا إحنا ما نستخدمها في حديقتنا، ما لها مكان في Plantnmore.
شنو اللي نجح، وشنو اللي فشل، وشنو اللي فاجأني بنموه. ومع الوقت صار الأمر أكبر من تدوين ومشاركة — صرت جزء من مجتمع من ناس شغوفين يكتشفون عالم الزراعة المنزلية مع بعض.
و Plantnmore امتداد لهالرحلة. أنا وفريق Plantnmore مزارعين نعشق هالهواية، ونقدّم اللي نستخدمه وننصح فيه ونثق فيه في بيوتنا.
ورا كل طلب وكل نبتة، في فريق عمل
ناس مجتهدين يجهّزون كل طلب ويرسلونه — يفحصون كل نبتة، ويغلّفون كل بذرة، ويتأكدون إن اللي يوصل بابك شي نفتخر نستلمه إحنا بأنفسنا.
ندين بالكثير لأصدقائنا في مزرعة سدير. يختارون من بذورنا ويربّونها بحب واهتمام الى ان تصبح نباتات قوية جاهزة للزراعة — يساعدونكم تتجاوزون أصعب مرحلة في الزراعة، واللي اهيا البداية.
معلومات عنا
بدأ بلانت ان مور بسؤال بسيط: هل يمكننا زراعة طعامنا بأنفسنا هنا في الكويت؟ اليوم، كل ما نقدمه مختار بعناية لمساعدتك على زراعة الطعام والاستمتاع به في المنزل في مناخنا، وفي الحياة الواقعية. كل شيء ينمو.
بدأ بلانت ان مور بسؤال بسيط: هل يمكننا زراعة طعامنا بأنفسنا هنا في الكويت؟ اليوم، كل ما نقدمه مختار بعناية لمساعدتك على زراعة الطعام والاستمتاع به في المنزل في مناخنا، وفي الحياة الواقعية. كل شيء ينمو.
